თბილისი, 21 თებერვალი – Sputnik. ლუიზიანას შტატში (აშშ) სულ მცირე სამი ადამიანი დაიღუპა და ორი დაშავდა იარაღის მაღაზიასთან მომხდარი სროლის შედეგად, ამის შესახებ განცხადება ჯეფერსონის ოლქის შერიფმა პერიშ ჯოზეფ ლოპინტომ გააკეთა.
Facebook-ში გავრცელებული განცხადების თანახმად, პოლიციამ ღამით 02:50 საათზე მომხდარი სროლის შესახებ შეიტყო. ადგილზე პოლიციას დახვდა სამი გარდაცვლილი ადამიანი, ორი დაჭრილი კი საავადმყოფოში გადაიყვანეს. მათი მდგომარეობა სტაბილურია.
შერიფის ინფორმაციით, ეჭვმიტანილმა ორი ადამიანი იარაღის მაღაზიაში მოკლა, შემდეგ ის გავიდა გარეთ და მას სხვა პირებმა ესროლეს. ის ადგილზე გარდაიცვალა.
ინციდენტთან დაკავშირებით სხვა დეტალები არ ვრცელდება.