როგორი იქნება ეკონომიკური ზრდა 2021 წელს კობა გვენეტაძის პროგნოზით
© Sputnik
„თუ დავუშვებთ იმას, რომ ეპიდემიოლოგიური სიტუაცია გაუმჯობესდება და წლის მეორე ნახევარში ტურიზმის სექტორი ეტაპობრივად აღდგენას დაიწყებს, მაშინ 2021 წელს ეკონომიკის ნაწილობრივ გაჯანსაღებას ველოდებით დაახლოებით 4 პროცენტის ფარგლებში. თუ კიდევ გაუარესება მოხდა გლობალურად, საქართველოშიც თუ საერთოდ არ მოხდა ტურიზმის აღდგენა, დღევანდელი შეფასებით, 2021 წლის ეკონომიკური ზრდა დაახლოებით 1 პროცენტის ფარგლებში იქნება“, – განაცხადა კობა გვენეტაძემ.
„საქსტატის“ წინასწარი შეფასებით, 2020 წლის დეკემბერში, წინა წლის შესაბამის პერიოდთან შედარებით, რეალური მთლიანი შიდა პროდუქტის (მშპ) კლებამ 7.9 პროცენტი შეადგინა. 2020 წლის ეკონომიკის საშუალო ზრდა მინუს 6.1 პროცენტით განისაზღვრა.