თბილისი, 18 იანვარი — Sputnik. მეეზოვეს, რომელსაც თაღლითებმა დიდი საბანკო ვალები აჰკიდეს, ნაცნობი ფოტოგრაფი უჩვეულო გზით დაეხმარა თანხის შეგროვებასა და კრედიტის დაფარვაში.
საუბარია ფოტოგრაფ რომან ფილიპოვზე, რომელმაც თავის ძველ ნაცნობს, მეეზოვე იურას გლამურული ჟურნალების სტილში მოუწყო ფოტოსესია და 650 ათასი რუბლის შეგროვებაში დაეხმარა.
ფილიპოვმა 16 იანვარს ატვირთა საკუთარ Instagram-ზე „მოდელის“ ფოტოები და ამასთან ხელმომწერებს მისი ისტორიაც უამბო.
ირკვევა, რომ იურასა და რომანს ერთმანეთი ბავშვობაში გაუცვნიათ შეზღუდული შესაძლებლობების მქონეთა ბანაკში, სადაც ფილიპოვის დედა მუშაობდა. წლების შემდეგ იურა, რომელსაც ჯანმრთელობის მენტალური პრობლემები ჰქონდა, მეეზოვედ მოეწყო. ის შემთხვევით შეხვდა ქუჩაში ფილიპოვის დედას და გამოელაპარაკა. ქალმა ის შინ მიიწვია და იმ დღიდან ობოლ და ბავშვთა სახლში გაზრდილ მეეზოვეზე „შეფობა“ აიღო — მისი მეურვე გახდა.