ჯაფარიძე: პოლიტიკური პარტიები დაფინანსებას საკუთარი მხარდამჭერებისგან უნდა იღებდნენ
© Sputnik
„პოლიტიკური პარტიბის დაფინანსების წესი, ჩემი აზრით, ფუნდამენტურად არასწორი და გასაუქმებელია. პარტიები საკუთარი მხარდამჭერებისგან უნდა იღებდნენ დაფინანსებას. ეს არის ერთადერთი სწორი გზა იმისთვის, რომ საქართველოში პოლიტიკური სისტემა და პოლიტიკური მოთამაშეების მდგომარეობა გაუმჯობესდეს და პარტიები მართლა პარტიებს დაემსგავსონ“, – ამბობს ზურაბ ჯაფარიძე.
დღეს პარლამენტში პარტიების სახელმწიფო დაფინანსებასთან დაკავშირებით საკანონმდებლო პაკეტის პირველი მოსმენით კენჭისყრა იყო. კანონპროექტის მიხედვით, სახელმწიფო ბიუჯეტიდან თანხას მიიღებს მხოლოდ ის პარტია, რომელიც მისთვის განკუთვნილ პარლამენტის წევრის მანდატს ან მანდატების ნახევარს მაინც აითვისებს.