რუსეთისა და სომხეთის პრემიერ-მინისტრებს შორის სატელეფონო საუბარი შედგა

ევრაზიის მთავრობათაშორისი საბჭოს სხდომა, რომელიც 4 დეკემბერს მოსკოვში უნდა გამართულიყო, შესაძლოა ონლაინრეჟიმში ჩატარდეს
Sputnik

თბილისი, 30 ნოემბერი - Sputnik. ორშაბათს სომხეთის პრემიერ-მინისტრ ნიკოლ ფაშინიანსა და რუსეთის მთავრობის მეთაურ მიხაილ მიშუსტინს შორის სატელეფონო საუბარი გაიმართა, იუწყება Sputnik-სომხეთი სომხეთის მინისტრთა კაბინეტის პრესსამსახურზე დაყრდნობით.

მხარეებმა სომხურ–რუსული სამოკავშირეო ურთიერთობების საკითხები განიხილეს.

მიხაილ მიშუსტინმა აღნიშნა, რომ, ეპიდემიოლოგიური ვითარებიდან გამომდინარე, ევრაზიის ეკონომიკურ კომისიას ევრაზიის მთავრობათაშორისი საბჭოს სხდომის ონლაინრეჟიმში ჩატარების თხოვნით მიმართა.

სხდომა მოსკოვში 4 დეკემბერს უნდა გამართულიყო.