თბილისი, 15 ნოემბერი - Sputnik. მოლდოვის პრეზიდენტის არჩევნების მეორე ტური რესპუბლიკის ტერიტორიაზე დასრულებულია, ამ დროისთვის საარჩევნო უბნები დახურულია, იუწყება Sputnik-მოლდოვა.
კვირას მოლდოვაში პრეზიდენტის არჩევნების მეორე ტური გაიმართა. მოლდოვის მოქალაქეები სახელმწიფოს მეთაურს უახლოესი ოთხი წლის ვადით ირჩევდნენ. მეორე ტურში კენჭს იყრიდნენ მოქმედი პრეზიდენტი იგორ დოდონი და ექს-პრემიერი, პარტია „მოქმედება და სოლიდარობის“ ლიდერი მაია სანდუ.
ბოლო მონაცემებით, პოლიციამ კენჭისყრის დღეს 200-ზე მეტი დარღვევის შესახებ ინფორმაცია მიიღო, მიმდინარეობს შემოწმება. საუბარია არჩევნების დღეს აგიტაციაზე, ამომრჩეველთა მოსყიდვის მცდელობებზე და სხვა დარღვევებზე.
მოლდოვის კანონმდებლობით, საპრეზიდენტო არჩევნების გამარჯვებულად მიიჩნევა ის კანდიდატი, რომელიც ამომრჩეველთა ნამდვილი ხმების ნახევარზე მეტს მიიღებს,
ეგზიტპოლის მონაცემებით. რომელიც კვლევითმა ორგანიზაცია Intellect Group-მა და საზოგადოებრივმა ასოციაცია SPERO-მ ჩაატარეს, რესპუბლიკის პრეზიდენტის არჩევნებზე იმარჯვებს პარტია „მოქმედება და სამართლის“ ლიდერი მაია სანდუ, რომელმაც მეორე ტურში ხმების თითქმის 55% მიიღო. მოქმედმა პრეზიდენტმა იგორ დოდონმა ამომრჩეველთა ხმების 45% მოიპოვა.