„19 წელი ერთად“ – ასეთი სათაურით აქვეყნებს ფოტოს „ინსტაგრამზე“ მაქსიმ გალკინი. წყვილს ქორწინების იუბილე აქვს. როგორც ჩანს, მათ ეს თარიღი სანთლების ფონზე აღნიშნეს.
ბოლო პერიოდში პოპულარული რუსი პრიმადონა, 71 წლის ალა პუგაჩოვა შესანიშნავად გამოიყურება და, როგორც მისი გულშემატკივრები ამბობენ, ის თანდათან ახალგაზრდავდება. მომღერლის ყოველი გამოჩენა საზოგადოების ყურადღებას იპყრობს და არც ამჯერადაა გამონაკლისი შემთხვევა.
71 წლის მომღერალი იდეალურ ფორმაშია. გულშემატკივრებს პრიმადონას შთამბეჭდავი ვიზუალი შეუმჩნეველი არ დარჩენიათ. ზოგიერთი თვლის, რომ მომღერალმა ახალი პლასტიკური ოპერაციები გაიკეთა და სწორედ ამიტომ გამოიყურება ასე.
სოციალური ქსელის მომხმარებლები აღნიშნავენ, რომ ალა ახლა თავის 27 წლით უმცროს მეუღლეზე უფრო ახალგაზრდულადაც კი გამოიყურება. კომენტარებში ხუმრობით იმასაც ურჩევენ, რომ დროა, ახალ ქმარზე იფიქროს, რადგანაც მაქსიმს უკვე ასაკი დაეტყო.
რუსი კომიკოსი, ტელეწამყვანი მაქსიმ გალკინი და მომღერალი ალა პუგაჩოვა 2017 წლის 18 ნოემბერს კიდევ ერთხელ დაქორწინდნენ. ამ შემთხვევაში წყვილმა ჯვარი დაიწერა და ტყუპები - ლიზა და გარი მონათლეს. გალკინი და პუგაჩოვა ერთად 2001 წლიდან ცხოვრობენ.