თბილისი, 15 ნოემბერი - Sputnik. ქართველმა სუმოისტმა ლევან გორგაძემ, იგივე ტოჩინოშინმა ტოკიოში მიმდინარე ნოემბრის ბაშოზე მეხუთე გამარჯვება მოიპოვა.
ტურნირის მერვე დღეს ტოჩინოშინმა, რომელიც აღმოსავლეთის მეშვიდე მაეგაშირას რანგში ასპარეზობს, დასავლეთის მე-10 მაეგაშირა მეისეი დაამარცხა. გორგაძემ მეტოქეს ჰატაკიკომით სძლია.
ამ მოგების შემდეგ ტოჩინოშინის მოგება-წაგების ბალანსი კიდევ უფრო გაუმჯობესდა. ქართველი სპორტსმენის ანგარიშზეა ხუთი მოგება და სამი დამარცხება. მას დადებითი ბალანსის შესანარჩუნებლად დარჩენილი 7 შეხვედრიდან მხოლოდ სამის მოგება სჭირდება.
მეცხრე საშეჯიბრო დღეს ტოჩინოშინი აღმოსავლეთის მე-10 მაეგაშირა რიუდეს შეხვდება.
მიმდინარე ბაშოს ლიდერია ოძეკი ტაკაკეისე, რომელმაც ტურნირის შვიდივე ორთაბრძოლა მოიგო. ტურნირი 22 ნოემბრამდე გაგრძელდება.