„ნაციონალურმა მოძრაობამ“ მთელ ოპოზიციას გარეთ გამოსვლისა და გაპროტესტებისკენ მოუწოდა. პარლამენტთან მივიდნენ სხვადასხვა პოლიტიკური ძალების წარმომადგენლები, რომლებიც არჩევნებში მონაწილეობდნენ. რამდენიმე საათიანი აქციის შემდეგ, მომიტინგეებმა „ქართული ოცნების“ დამფუძნებლის, ბიძინა ივანიშვილის რეზიდენციისკენ მსვლელობა გამართეს. როგორც ოპოზიციის ლიდერები აცხადებენ, ასეთი აქციები რეგულარულ სახეს მიიღებს.