თბილისი, 26 ოქტომბერი — Sputnik. აშშ-ის დემოკრატმა პრეზიდენტობის კანდიდატმა ჯო ბაიდენმა ონლაინ–ინტერვიუს დროს თავისი ოპონენტის, ქვეყნის მოქმედი პრეზიდენტის სახელი ვერ გაიხსენა.
აღნიშნულის თაობაზე თავად დონალდ ტრამპმა დაწერა საკუთარ Twitter-ზე.
„ჯო ბაიდენმა გუშინ ჯორჯი მიწოდა. ჩემი სახელი ვერ გაიხსენა. წამყვანი ეხმარებოდა ინტერვიუს დამთავრებაში. ფეიკური ახალი ამბების კარტელი გამალებული მუშაობს, რომ ეს ფაქტი მიჩქმალოს“, — ნათქვამია პრეზიდენტის ტვიტში.
ამასთან ტელეარხი Fox News არ გამორიცხავს, რომ ბაიდენს ტრამპი ექს-პრეზიდენტ ჯორჯ ბუშში არეოდა.
საპრეზიდენტო არჩევნები აშშ-ში 3 ნოემბერსაა დანიშნული. კანდიდატებმა უკვე ჩაატარეს დებატების ორივე რაუნდი.