თბილისი, 15 ოქტომბერი — Sputnik. კორონავირუსს შეუძლია ისეთი ცვლილებები გამოიწვიოს ტვინში, რომლებიც შიზოფრენიის, ალცჰაიმერის, ასევე პარკინსონის დაავადებების გამოვლინებას უკავშირდება, აცხადებენ ბრაზილიელი სწავლულები, რომელთა კვლევაც გამოქვეყნებულია სამეცნიერო პორტალზე medRxiv.
ბრაზილიელმა მეცნიერებმა კვლევისას აღმოაჩინეს, რომ SARS-CoV-2-ს აქვს უნარი, შეუტიოს ცენტრალური ნერვული სისტემის ყველაზე მრავალრიცხოვან უჯრედებს, ასტროციტებს, და თავის ტვინის ქერქში მნიშვნელოვანი დაზიანებები გამოიწვიოს — ცალკეული უბნების ატროფიის ჩათვლითაც კი. ამასთან ირკვევა, რომ ვირუსი მსგავს ცვლილებებს იწვევს არა მარტო COVID-19-ის რთული ფორმის მქონე პაციენტებში, არამედ მათშიც, ვისაც დაავადება იოლ ფორმებში უვითარდება.
სპეციალისტების თქმით, კვლევის მონაცემები ხსნის კიდეც, რატომ უვლინდებათ COVID-19-სგან განკურნებულ პაციენტებს ნევროლოგიური სიმპტომები განკურნებიდან რამდენიმე თვის განმავლობაში, მათ შორის — თავის ტკივილები, მომატებული ძილიანობა, ყნოსვის დაკარგვა და კრუნჩხვები.
შავი პილპილი კორონავირუსის აქტიურობას თრგუნავს: სამეცნიერო კვლევა>>
გარდა ამისა, მეცნიერების თქმით, ვირუს SARS-CoV-2-ს შეუძლია ისეთი გენეტიკური დაავადებების გააქტიურება, როგორებიცაა შიზოფრენია, პარკინსონისა და ალცჰამერის დაავადებები.
შემდგომში მკვლევარები აპირებენ გაარკვიონ, როგორ აღწევს ვირუსი ცენტრალურ ნერვულ სისტემამდე და დაადგინონ მისი მოქმედების მექანიზმი.