თბილისი, 10 ოქტომბერი — Sputnik. ყოფილმა ტელეწამყვანმა ხატია სიჭინავამ დედამთილს დაბადების დღე საჯაროდ მიულოცა, რითაც სოციალური ქსელის ერთ-ერთი მომხმარებლის გაკვირვება გამოიწვია.
„თქვენ არ იყო, ერთმანეთს მიწაში რო დებდით და წყევლიდით, თუ არასწორად მახსოვს? გილოცავთ“, - უწერს კომენტარებში ხატია სიჭინავას ქალი. მოგვიანებით სიჭინავამ კომენტარი წაშალა.
ჟურნალისტი ხატია სიჭინავა გათხოვების შემდეგ ნამდვილ ოჯახის ქალად გადაიქცა და მთელ დროს მხოლოდ მას უთმობს. ხატიას პირადი ბიზნესიც აქვს, თუმცა მისთვის წინა პლანზე ქმარ-შვილი და ოჯახის დანარჩენი წევრები არიან.
რამდენიმე წლის წინ, სანამ სიჭინავას დედამთილი „ფეისბუქის“ სწორად გამოყენებას ისწავლიდა, გაირკვა, რომ ჟურნალისტს დედამთილთან დაძაბული ურთიერთობა ჰქონდა. ამ ამბავს დიდი ხნის მანძილზე განიხილავდა სრულიად ინტერნეტ-სივრცე და აღარც ხატიას დაუმალავს წყენა.
მაშინ დედამთილმა ხატია საჯაროდ დაწყევლა კიდეც და განაცხადა, რომ მაშინ გაუბედურდა, როცა ხატია მის ოჯახში შევიდა. დედამთილმა რძალს წარსულიც შეახსენა არაკორექტულ კონტექსტში. ხატიამ, თავის მხრივ, განაცხადა, რომ მიუხედავად ბევრი მცდელობისა, დედამთლთან ურთიერთობა ვერ დაალაგა, თუმცა ამას ხალხში მალავდა.
თუმცა ბოლოს რამაზ ნოზაძის დედას შეურიგდა და ახლა გადასარევი ურთიერთობა აქვთ, იმდენად, რომ რძალ-დედამთილი სერიალებსაც ერთად უყურებს.