პარტია „სტრატეგია აღმაშენებელი“: საქმეები, ამბიციები და წარსულის ჩრდილები

პარტიის დაარსების იდეა გიორგი ვაშაძეს ეკუთვნის, საქართველოს ყოფილი პრეზიდენტის, მიხეილ სააკაშვილის თანამებრძოლსა და მისი ხელისუფლების ყველაზე წარმატებული პროექტების ავტორს.

გზა თანამებრძოლობიდან ოპონენტობამდე

საკუთარი პარტიის ჩამოყალიბებამდე გიორგი ვაშაძე სააკაშვილის ხელისუფლებაში ერთ–ერთ ყველაზე პროგრესულ შემსრულებლად მიჩნეოდა.

სწორედ მას ეკუთვნის საქართველოს ყველაზე პოპულარული პროექტის, იუსტიციის სახლის იდეა, სადაც ყველა სახელმწიფო სერვისი ერთ შენობაში იქნებოდა განთავსებული „ერთი ფანჯრის“ პრინციპით.

ვაშაძესვე ეკუთვნის პირადობის ელექტრონული მოწმობებისა და საქართველოს მოქალაქეების ელექტრონული ხელმოწერების შემოღების იდეაც.

სწორედ ამ პროგრესული იდეების დამსახურება იყო ის ფაქტი, რომ გიორგი ვაშაძე სააკაშვილის კეთილგანწყობით სარგებლობდა და უკრაინაში სამუშაოდ გადასვლის წინადადებაც კი მიიღო მისგან, სადაც იუსტიციის სახლის იდეა უნდა გაემეორებინა.

მაგრამ დროთა განმავლობაში ვაშაძესა და სააკაშვილს შორის ურთიერთობა გაფუჭდა და 2016 წელს ვაშაძე პარტია „ერთიანი ნაციონალური მოძრაობიდან“ წავიდა და დამოუკიდებელი პოლიტიკური კარიერა დაიწყო — დააფუძნა რა პარტია „ახალი საქართველო“.

თუმცა ყოფილ პარტიასთან თანამშრომლობა არ შეუწყვეტია — 2018 წელს მისი ახალი პარტია „ნაცმოძრაობასთან“ ერთ ბლოკში შედიოდა, ხოლო თავად გიორგი ვაშაძე პრეზიდენტობის კანდიდატ გრიგოლ ვაშაძის („სტრატეგია აღმაშენებლის“ თავმჯდომარე) წინასაარჩევო შტაბს ხელმძღვანელობდა.

საბოლოოდ, 2020 წლის გაზაფხულზე, გიორგი ვაშაძის პარტია გავიდა ბლოკიდან „ძალა ერთობაშია“, რომელშიც მთავარ როლს „ნაცმოძრაობა“ თამაშობს.  

დამოუკიდებელი სვლა არჩევნებისკენ

ბლოკიდან გასვლის შემდეგ გიორგი ვაშაძემ სახელწოდება შეუცვალა პარტიას და მას „სტრატეგია აღმაშენებელი“ უწოდა. ამასთან მიიღო გადაწყვეტილება, არჩევნებში მონაწილეობა პარტია „კანონი და სამართლის“ ლიდერ თაკო ჩარკვიანთან ერთად მიეღო.

ვაშაძემ, კოლეგებთან მოლაპარაკებების გზით, ოპოზიციური პარტიების მხარდაჭერა მოიპოვა და მათი კანდიდატი გახდა ისნის მაჟორიტარულ ოლქში.

აღსანიშნავია, რომ ოპოზიციური პარტიებიდან გიორგი ვაშაძეს მხარი არ დაუჭირა მხოლოდ „ნაციონალურმა მოძრაობამ“, რომლებიუიც უკმაყოფილოები აღმოჩნდნენ როგორც მისი აგრესიული პიარ–კამპანიით, ისე ვაშაძის ამბიციებით — გახდეს საქართველოს მომავალი პრემიერ–მინისტრი. ახლა მას თავის ოლქში არა მარტო „ქართული ოცნების“ კანდიდატთან, არამედ ყოფილ თანამებრძოლ „ნაცმოძრაობასთანაც“ მოუწევს ბრძოლა. თუმცა გამოკითხვები აჩვენებს, რომ გიორგი ვაშაძე ჯაბნის თავის ყოფილ თანამებრძოლებს.

რაც შეეხება „სტრატეგია აღმაშენებლის“ საარჩევნო პროგრამას, ის მიმართულია თანამედროვე ტექნოლოგიების განვითარების, სოციალური პროგრამებისა და სასამართლო სისტემის რეფორმირებისკენ.