თბილისი, 27 სექტემბერი — Sputnik. აზერბაიჯანში გასულ დღე-ღამეში კორონავირუსით ინფიცირების 128 ახალი შემთხვევა გამოვლინდა (108 - ერთი დღით ადრე), გამოჯანმრთელდა 132 ადამიანი (131 წინა დღეს), იუწყება Sputnik-აზერბაიჯანი.
ერთი პაციენტი, რომლის ტესტმა კორონავირუსზე დადებითი შედეგი აჩვენა, თანმდევი დაავადებების გართულებით გარდაიცვალა.
აზერბაიჯანში თებერვლის ბოლოდან კორონავირუსით ინფიცირების სულ 40 023 შემთხვევა გამოვლინდა, 37 655 ადამიანი გამოჯანმრთელდა, 586 - გარდაიცვალა.
საგანგებო რეჟიმის საავადმყოფოებში მკურნალობას 1 782 პაციენტი გადის.
დღემდე ქვეყანაში კორონავირუსის გამოსავლენად 1 102 401 ტესტი ჩატარდა, ბოლო დღე-ღამეში - 6 858.