თბილისი, 17 სექტემბერი – Sputnik. სამი ადამიანი დაშავდა გორში მომხდარი აფეთქების შედეგად, იუწყება ტელეკომპანია Rustavi2.
აფეთქდა ხელნაკეთი აირის კომპრესორი. დაშავებულია ერთი ოჯახის სამი წევრი, მათ შორის 17 წლის მოზარდი.
ადგილობრივების ინფორმაციით, აფეთქების მომენტში დაშავებულები მანქანის საბურავს ბერავდნენ.
სამივე მათგანი საავადმყოფოში გადაიყვანეს. პირველადი შეფასებით, დაზიანებები მსუბუქი და ზედაპირულია, თუმცა პაციენტების გამოკვლევა გრძელდება.
ექიმების ინფორმაციით, დაშავებულების ზოგადი მდგომარეობა სტაბილურია და მათ სიცოცხლეს საფრთხე არ ემუქრება.