პანდემიის დასაწყისიდან საქართველოში რუსეთის 43 ათასზე მეტი მოქალაქე შემოვიდა

თბილისი, 16 სექტემბერი  — Sputnik. მიმდინარე წლის მარტი–ივნისის პერიოდში საკონტროლო–გამშვები პუნქტ „ყაზბეგის“ გავლით საქართველოში რუსეთის და ორმაგი მოქალაქეობის მქონე 43 278 პირი შემოვიდა, ნათქვამია შსს–ს ვებგვერდზე გავრცელებულ განცხადებაში. 

სახმელეთო საზღვრების ჩაკეტვის შემდეგ რუსეთიდან საქართველოს ტერიტორიაზე შემოსვლა ნებადართულია ტვირთების გადამზიდავებისთვის,  ორმაგი მოქალაქეობის მქონე პირების და რუსეთის მოქალაქეებითვის, რომელთა მეუღლე ან 13 წლამდე შვილი საქართველოს მოქალაქეა.  

შინაგან საქმეთა სამინისტროს მონაცემების თანახმად, რუსეთის მოქალაქეების შემოსვლის პიკი მარტში დაფიქსირდა –  39 618 ადამიანი, მოგვიანებით ნაკადი შემცირდა.