თბილისი, 9 სექტემბერი — Sputnik. კორონავირუსის საწინააღმდეგო რუსული ვაქცინა Sputnik V ვენესუელას სექტემბერში მიეწოდება კლინიკური გამოცდების ჩასატარებლად, განაცხადა ვენესუელის პრეზიდენტმა ნიკოლას მადურომ.
პრეზიდენტის ტელეგამოსვლა მის Twitter-ზე გადაიცემოდა პირდაპირ ეთერში.
მადუროს თქმით, ის აპირებს საარჩევნო კომისიის ხელმძღვანელობასთან ერთად განიხილოს ეროვნული ასამბლეის არჩევნებში მონაწილე ყველა კანდიდატის ვაქცინაციის საკითხი, რათა წინასაარჩევნო კამპანია მშვიდად ჩატარდეს. საუბარია 14,4 ათას კანდიდატზე.
როდის დაიწყებს რუსეთი ვაქცინის ექსპორტს: დასახელდა ვადები>>
რუსეთის ჯანდაცვის სამინისტრომ მანამდე მსოფლიოში პირველი ვაქცინა დაარეგისტრირა COVID-19-ის პროფილაქტიკისთვის, რომელიც გამალეის ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა რუსეთის პირდაპირი ინვესტიციების ფონდის ხელშეწყობით. ფონდის პრეზიდენტ კირილ დმიტრიევის თქმით, მათ უკვე 20-ზე მეტი ქვეყნიდან აქვთ მიღებული განაცხადი ვაქცინის 1 მილიარდი დოზის შეძენაზე. გარდა ამისა, მისივე ცნობით, რუსეთმა ასევე მოილაპარაკა ხუთ ქვეყანასთან ვაქცინის წარმოებაზე. საუბარია ქვეყნებზე, რომლებსაც წელიწადში 500 მლნ დოზის დასამზადებლად საჭირო სიმძლავრეები გააჩნია.