თბილისი, 22 აგვისტო - Sputnik. ბათუმში ავტომობილი ქვეითებს შეეჯახა და შემთხვევის ადგილიდან მიიმალა, იუწყება ადგილიდან Sputnik-საქართველოს კორესპონდენტი.
კორესპონდენტის ინფორმაციით, Mercedes-ის მარკის ავტომობილი ჯერ მსუბუქ ავტომობილს დაეჯახა, შემდეგ - ფეხით მიმავალ ოთხ გოგონას, მერე კი ადგილიდან მიიმალა.
დაშავებულები ადგილობრივ კლინიკაში გადაიყვანეს, ერთ-ერთის მდგომარეობა მძიმეა.
ფაქტზე აღძრულია სისხლის სამართლის საქმე მუხლით „ტრანსპორტის მოძრაობის უსაფრთხოების ან ექსპლუატაციის წესების დარღვევა, რამაც ჯანმრთელობის მძიმე დაზიანება გამოიწვია“.