თბილისი, 19 აგვისტო - Sputnik. ქალაქი ანაკლია შავი ზღვის სანაპიროზე 21-23 აგვისტოს ელექტრონული მუსიკის ფესტივალს LISI ISLAND-ს უმასპინძლებს.
ანაკლია უკვე ტრადიციულად იქცა ადგილად, რომელიც ყოველ ზაფხულს ასოცირებულია მუსიკასა და გართობასთან. წელს, წინა წლებისგან განსხვავებით, ფესტივალში მონაწილეობას მიიღებენ მხოლოდ ქართველი შემსრულებლები მხოლოდ ქართველი მელომანებისთვის.
„სამი დღის განმავლობაში მუსიკა დაუკრავს „ნონ-სტოპ“ რეჟიმში სპეციალურად მოწყობილ სცენაზე, კუნძულზე“, - განუცხადეს ღონისძიების ორგანიზატორებმა ტელეარხ Imedi-ს.
ამ მომენტისთვის ანაკლიაში უკვე დასრულებულია კონსტრუქციების მონტაჟი, მოწყობილია საცეკვაო მოედანი, ბარი და დასასვენებელი ადგილები.
ორგანიზატორების თქმით, ფესტივალის მსვლელობისას დაცული იქნება ყველა წესი და რეკომენდაცია კორონავირუსის გავრცელების თავიდან ასაცილებლად.