თბილისი, 27 ივლისი — Sputnik. შექმნილია ახალი პლასტიკური პაკეტები, რომლებიც ზღვის წყალში იშლება, იუწყება ტელეარხი NHK კომპანია Mitsubishi Chemical-ის განცხადებაზე დაყრდნობით.
გავრცელებული ინფორმაციით, აღნიშნული პარკები მზადდება მასალისგან, რომლის შემადგენლობაშიც შედის შაქრის ლერწამი და ის შეხებით არაფრით განსხვავდება ჩვეულებრივი პლასტიკური პაკეტისგან.
ამ დროისათვის კომპანია უკვე ემზადება გამოგონების მასობრივი წარმოების ასამოქმედებლად. ერთი პაკეტის ფასი 12-დან 50-მდე იენა იქნება (11-47 ცენტი) მისი ზომის შესაბამისად, რაც დაახლოებით ექვსჯერ აღემატება ჩვეულებრივი პარკის ფასს.
Mitsubishi Chemical-ში იმედი აქვთ, რომ მათი გამოგონება ზღვებისა და ოკეანეების წყლების პლასტიკური ნარჩენებით დაბინძურების პრობლემას მოაგვარებს.
აღსანიშნავია, რომ 1 ივლისიდან იაპონიის ყველა მაღაზიაში პლასტიკურ პაკეტებზე გადასახადია დაწესებული. ზოგმა მაღაზიამ კი კლიენტებისთვის ბიოდეგრადირებადი მასალისგან დამზადებული ჩანთების შეთავაზება დაიწყო.