თბილისი, 17 ივლისი – Sputnik. ათი თვის ბავშვი თელავის მუნიციპალიტეტის სოფელ ყარაჯალიდან, რომელსაც კორონავირუსი დაუდგინეს, შესაძლოა, საკვებით მოიწამლა.
როგორც ტელეკომპანია Palitranews-თან ბავშვის ბებიამ განაცხადა, ბავშვმა ნესვი შეჭამა და ამის შემდეგ გახდა ცუდად, გაუჩნდა მოწამვლის სიმპტომები – ღებინება და ფაღარათი. ბებია ირწმუნება, რომ მათ ოჯახში არავის ჰქონია კორონავირუსი და ამიტომ ბავშვს ვირუსი არ გადაედებოდა.
თავდაპირველად ბავშვს თელავის საბავშვო პოლიკლინიკაში მკურნალობდნენ. სიმპტომების გამო, რომელიც კორონავირუსს ახასიათებს, მედიკოსებმა მისი COVID-19-ზე შემოწმება გადაწყვიტეს. ტესტი დადებითი აღმოჩნდა. ამჟამად ბავშვი თბილისის ინფექციურ საავადმყოფოში იმყოფება, სადაც კიდევ ერთი ტესტი ჩაუტარდა და ისიც დადებითი აღმოჩნდა. ინფიცირების წყარო ჯერჯერობით დაუდგენელია.
COVID 19: შესაძლოა ბავშვი ინფიცირებული იყოს, მაგრამ ანალიზმა არ აჩვენოს - ბოლო კვლევა>>
ბავშვთან ერთად კლინიკაშია მისი დედაც. ექიმების თქმით, ბავშვს კორონავირუსის მსუბუქი ფორმა აქვს და მისი მდგომარეობა სტაბილურია.