მსვლელობის მონაწილე რამდენიმე ათეული ტუროპერატორი და გიდი საზღვრების გახსნას, ავიამიმოსვლის აღდგენას და აუცილებელი 14-დღიანი კარანტინის გაუქმებას მოითხოვდა ქვეყანაში შემომსვლელი ტურისტებისთვის.
საზღვრების გახსნასა და საჰაერო მიმოსვლის განახლებას საქართველოს მთავრობა 1 ივლისს გეგმავდა, მაგრამ გამომდინარე იქიდან, რომ მსოფლიოში ეპიდემიოლოგიური სიტუაცია გამწვავდა, საზღვრების გახსნა 1 აგვისტომდე გადაიდო.