ბათუმში თევზის ბაზრის მიმდებარე ტერიტორიაზე აფეთქება მოხდა. წინასწარი ვერსიის თანახმად, შემთხვევის მიზეზი ბუნებრივი აირის გაჟონვა გახდა. შედეგად – სრულად დაინგრა თევზის რესტორანი. თევზის ბაზარში მოვაჭრეები აცხადებენ, რომ როდესაც დილით ისინი სამსახურში მივიდნენ, რესტორანი უკვე დანგრეული იყო. აფეთქების შედეგად არავინ დაშავებულა. ტერიტორიის დაცვის წევრი ამ დროს მეზობელ შენობაში იმყოფებოდა.