თბილისი, 9 მაისი - Sputnik. თბილისში, ყაზბეგის გამზირზე მამაკაცის ცხედარი იპოვეს, იუწყება ტელეკომპანია Imedi.
შუახნის მამაკაცის ცხედარი გუშინ საღამოს, ე.წ. შანხაის უბანში იპოვეს. გავრცელებული ინფორმაციით, ის ბლაგვი საგნითაა მოკლული.
შინაგან საქმეთა სამინისტროს ცნობით, მომხდარზე გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
შემთხვევის ადგილზე ექსპერტ-კრიმინალისტები მუშაობდნენ.
მომხდარის შესახებ დამატებითი დეტალები ამ დროისთვის უცნობია.