თბილისი, 2 მაისი - Sputnik. ქვეყნის უმეტეს ტერიტორიაზე 2 მაისიდან მოსალოდნელია თბილი, მაგრამ ცვალებადი ამინდი, ნათქვამია გარემოს ეროვნული სააგენტოს განცხადებაში.
„2-5 მაისს საქართველოში სითბოს ფონზე მოსალოდნელია ხანმოკლე წვიმა და ელჭექი, ზოგან შესაძლებელია სეტყვა. ჰაერის ტემპერატურა დაბლობსა და ბარში +21, +26 გრადუსი იქნება“, - ნათქვამია განცხადებაში.
როგორც დასავლეთ, ისე აღმოსავლეთ საქართველოში ქარი წამში 10-15 მეტრი სიჩქარით დაუბერავს.
ყაზბეგში უახლოეს დღეებში მოსალოდნელია უმეტესად მოღრუბლული ამინდი, ხანმოკლე წვიმები და ელჭექი - ღამით პლუს 3-5, დღისით კი 12-16 გრადუსი სითბო იქნება.
მესტიაში შაბათს მოსალოდნელია ხანმოკლე წვიმა და ელჭექი - ჰაერის ტემპერატურა ღამით იქნება პლუს 5, დღისით - 15 გრადუსი. კვირას გამოიდარებს და 20 გრადუსამდე გათბება.
ანალოგიური ამინდი იქნება ბათუმშიც - უქმეებზე ღამით იქნება პლუს 12-13, დღისით კი ტემპერატურა 22 გრადუსამდე აიწევს.
თბილისში 2-5 მაისს მოსალოდნელია თბილი, მაგრამ ცვალებადი ამინდი - პლუს 22-25 გრადუსი, სინოპტიკოსები დედაქალაქში ხანმოკლე წვიმას ელჭექით ვარაუდობენ.