თბილისი, 26 აპრილი - Sputnik. აზერბაიჯანში გასულ დღე-ღამეში კორონავირუსით ინფიცირების 28 ახალი შემთხვევა გამოვლინდა, გამოჯანმრთელდა და კლინიკებიდან გაეწერა 59 ადამიანი, იუწყება „Sputnik-აზერბაიჯანი“.
დღეისათვის ქვეყანაში კორონავირუსით ინფიცირების სულ 1645 ფაქტი გამოვლინდა, გამოჯანმრთელდა 1139 ადამიანი, გარდაიცვალა 21 პაციენტი.
ამჟამად საგანგებო რეჟიმის საავადმყოფოებში მკურნალობას აგრძელებს 485 პირი, მათგან 18-ის მდგომარეობა მძიმეა, საშუალო სიმძიმის მდგომარეობა უფიქსირდება 25-ს, დანარჩენები თავს ნორმალურად გრძნობენ.
11 მარტს ჯანდაცვის მსოფლიო ორგანიზაციამ COVID-19-ის პანდემიის შესახებ განაცხადა. ბოლო მონაცემებით, მსოფლიოში 2 938 733 ინფიცირებულია, გარდაიცვალა 203 798 ადამიანი.