თბილისი, 22 აპრილი — Sputnik. საქართველოში კორონავირუსით ინფიცირებულთა რაოდენობა 416-ს შეადგენს, გამოჯანმრთელებულთა რიცხვი 107-მდე გაიზარდა, ნათქვამია მთავრობის მიერ საგანგებოდ შექმნილ ვებ-გვერდზე stopcov.ge.
დღეს კორონავირუსისგან გამოჯანმრთელებულთა რიცხვს 9 ადამიანი შეემატა, ხოლო ინფიცირებულთა რაოდენობა 5-ით გაიზარდა. კორონავირუსის დიაგნოზით საქართველოს სამი მოქალაქე თურქეთიდან და სომხეთიდან გადმოიყვანეს. გარდაიცვალა 5. კარანტინში იმყოფება 5 160, სტაციონარში მეთვალყურეობის ქვეშ – 579.
საქართველოში კორონავირუსით ინფიცირების პირველი შემთხვევა 26 თებერვალს დაფიქსირდა. მარტის ბოლოს ხელისუფლებამ, ინფექციის გავრცელების საფრთხის გამო, ქვეყნის მთელ ტერიტორიაზე საგანგებო მდგომარეობა გამოაცხადა, რომელიც 22 მაისამდე გახანგრძლივდა. ქვეყანაში რიგი აკრძალვები, მათ შორის, კომენდანტის საათი (21:00 საათიდან 06:00 საათამდე) მოქმედებს