თბილისი, 21 აპრილი – Sputnik. აპრილის მესამე დეკადაში სამშობლოში ჩარტერული რეისებით დაბრუნებას შეძლებენ იტალიაში, ესპანეთში, პოლონეთსა და ჩეხეთში მყოფი საქართველოს მოქალაქეები, ნათქვამია საქართველოს საგარეო საქმეთა სამინისტროს განცხადებაში.
საქართველოსა და სხვა ქვეყნებს შორის ავიამიმოსვლა 20 მარტიდან პრაქტიკულად მთლიანად შეწყდა. ფრენებს ახორციელებს მხოლოდ კომპანია Georgian Airways, რომელსაც საქართველოს მოქალაქეები უცხოეთიდან ჩამოჰყავს.
აპრილის ბოლო დეკადის რეისების ცხრილი
| თარიღი | მიმართულება | ავიაკომპანია |
| 21 აპრილი | რომი–თბილისი | Georgian Airways |
| 24 აპრილი | ბარსელონა–თბილისი | Georgian Airways |
| 27 აპრილი | ვარშავა–თბილისი | Georgian Airways |
| 30 აპრილი | მადრიდი–თბილისი | Georgian Airways |
| 2 მაისი | პრაღა–თბილისი | Georgian Airways |
საქართველოში ჩამოსული მგზავრები სავალდებულო 14-დღიან კარანტინში მოთავსდებიან.