თბილისი, 31 მარტი — Sputnik. საქართველოს მოსახლეობა ექიმების კონსულტაციის მიღებას ონლაინ-რეჟიმში შეძლებს, განაცხადა საქართველოს ჯანდაცვის მინისტრის მოადგილემ თამარ გაბუნიამ ბრიფინგზე.
პროგრამაში 100 ექიმი უკვე მონაწილეობს და ორი კვირის განმავლობაში მათი რიცხვი 200-მდე გაიზრდება.
„დღეს თბილისში ეს სისტემა უკვე მუშაობს და მოსახლეობას შეუძლია „112“-ზე კვლავ დარეკოს, ზარი თბილისის ოჯახის ექიმებთან გადამისამართდება“, – განაცხადა გაბუნიამ.
სისტემა უკვე მუშაობს თბილისში, უახლოეს მომავალში კი მისი გაფართოება და რეგიონებში დანერგვა იგეგმება.