თბილისი, 3 მარტი - Sputnik. ბათუმში, ერთ-ერთი საცხოვრებელი კორპუსის ლიფტის შახტში ცხრა წლის ბავშვი ჩავარდა, იუწყება პირველი არხი.
შემთხვევა დღეს საღამოს დაახლოებით ათ საათზე მოხდა.
ტელეკომპანიის ინფორმაციით, მოზარდი ერთ-ერთ საცხოვრებელ კორპუსში მეექვსე სართულიდან ჩავარდა.
დაშავებული ბათუმის დედათა და ბავშვთა ცენტრში გადაიყვანეს. ექიმების შეფასებით, მისი მდგომარეობა მძიმეა.
შინაგან საქმეთა სამინისტროს ინფორმაციით, გამოძიება სსკ-ის 124-ე მუხლით დაიწყო, რაც გაუფრთხილებლობით ჯანმრთელობის ნაკლებად მძიმე ან მძიმე დაზიანებას გულისხმობს.