თბილისი, 24 თებერვალი - Sputnik. ბაკურიანში ახალგაზრდა გოგონა, სავარაუდოდ, თხილამურებით სრიალის დროს დაცემის შედეგად გარდაიცვალა, განუცხადეს „Sputnik-საქართველოს“ შსს-ს პრესსამსახურში.
მასმედიის ინფორმაციით, გარდაცვლილია საქართველოს მოქალაქე, 22 წლის ახალგაზრდა გოგონა. ცხედარი გადასვენებულია პროზექტურაში. მისი დათვალიერებისას აღმოჩენილია ტრავმები. უბედური შემთხვევის დეტალებს იკვლევენ.
სისხლის სამართლის საქმე მიმდინარეობს მუხლით „სიცოცხლის მოსპობა გაუფრთხილებლობით“. აღნიშნული დანაშაული ისჯება ექვსი თვიდან ორ წლამდე თავისუფლების შეზღუდვით ან ორიდან ოთხ წლამდე თავისუფლების აღკვეთით.