თბილისი, 21 თებერვალი — Sputnik. ქობულეთში მომხდარი ავტო-საგზაო შემთხვევის შედეგად ერთი ადამიანი დაიღუპა და ერთიც - დაშავდა, იუწყება პირველი არხი.
არხის ინფორმაციით, ავტომობილის მძღოლმა საჭე ვერ დაიმორჩილა და ხრამში გადავარდა. დაიღუპა 60 წლის მამაკაცი. მგზავრი სხეულის დაზიანებებით საავადმყოფოში გადაიყვანეს.
ექიმების განცხადებით, ის მძიმე მდგომარეობაშია.
ფაქტზე აღიძრა სისხლის სამართლის საქმე - საგზაო მოძრაობის წესების დარღვევა თრობის მდგომარეობაში, რომელმაც ადამიანის სიკვდილი გამოიწვია. დანაშაული ისჯება ექვსიდან ცხრა წლამდე თავისუფლების აღკვეთით.