ხარისხიანად აშენებულ საცხოვრებელ სახლში ბინის შეძენა და საპარკინგე ადგილების არსებობა – დედაქალაქში ეს საკითხები საკმაოდ აქტუალურად ითვლება.
სამწუხაროდ, თბილისელებს ხშირად უწევთ ცხოვრება სახლებში, რომლებიც ექსპლუატაციაში შესული არაა. უფრო მეტიც, მათზე მიღება-ჩაბარების აქტებიც არ არის გაფორმებული. ასეთი ობიექტები დიდ საფრთხეს წარმოადგენს და ეს, შესაძლოა, ცუდ შედეგამდე მივიდეს. ამასთან, ქვეყანაში პრაქტიკულად არ მოქმედებს კანონები, რომელიც მშენებლობის წესებსა და ნორმებს აკონტროლებს.
თბილისში არანაკლებ პრობლემას წარმოადგენს პარკინგის თემა. გზის პირას მჭიდროდ დაპარკინგებული ავტომობილები მნიშვნელოვნად აქვეითებენ ქალაქის ქუჩების გამტარუნარიანობას, რაც ერთ-ერთი მიზეზია „საცობების“, ჰაერის დაბინძურებისა და მოქალაქეების ცხოვრების ხარისხის გაუარესების.
როგორ დავიცვათ მოსახლეობა უხარისხო მშენებლობებისგან და როგორ გადავჭრათ პარკირებასთან დაკავშირებული პრობლემები, ამ და სხვა საკითხებზე ჟურნალისტების დასმულ კითხვებს პასუხს გასცემენ:
- არასამთავრობო ორგანიზაცია "საქართველოს მშენებელთა ლიგის" თავმჯდომარე ანზორ საკანდელიძე;
- მრავალსართულიანი ავტოსადგომის მშენებელი კომპანიის ხელმძღვანელი მალხაზ ცისკარიშვილი.
მასმედიის წარმომადგენლებს ვიწვევთ პრესკონფერენციაში მონაწილეობის მისაღებად, რომელიც „Sputnik–საქართველოს" პრეს-ცენტრში გაიმართება მისამართზე: თბილისი, დავით აღმაშენებლის გამზირი #61, მე-5 სართული, ბლოკი С. ტელ: 555 90 89 77.
აკრედიტაცია:
E-mail: media@sputnik-georgia.com;
ტელ: +995555908977.
„Sputnik-საქართველოს" მულტიმედიური პრეს-ცენტრის ანონსების გამოსაწერად გამოგზავნეთ განაცხადი: media@sputnik-georgia.com