საზოგადოებაში ნინი ქარსელაძე სკანდალური განცხადებებით დიდ ყურადღებას იქცევს, გარდა ამისა, მისი ოჯახის თითოეულ წევრს წლებია კარგად იცნობენ. ზურა ხაჩიძის და ნინის დედის ხათუნა ჟორდანიას თავბრუდამხვევი სიყვარულის ისტორია სწორედ ნინის კლიპის გადაღებისას დაიწყო. ნინის ზურა ხაჩიძემ და დედამ უმცროსი და – ანასტასია ხაჩიძე აჩუქეს. ინტერვიუებიდან და სოციალური ქსელიდან ჩანს, რომ ნინი და ანასტასია ძალიან მეგობრობენ. ანასტასია, თავის მხრივ, ნინის პრობლემების გადაჭრაში ეხმარება და ამხნევებს. ახლა გოგონები და მათი ოჯახის წევრები ერთი პრობლემის წინაშე გაერთიანდნენ. ხათუნა ჟორდანიას ჯანმრთელობის მდგომარეობა გაურთულდა და ის სამკურნალოდ ისრაელში გაემგზავრა.
მომღერალი ზურა ხაჩიძე და მისი ცნობილი მეუღლე ხათუნა ჟორდანია დიდი გამოწვევის წინაშე დგანან. სულ რამდენიმე ხნის წინ გახდა ცნობილი, რომ ნინი ქარსელაძის დედა ავად არის და ამის გამო ქიმიოთერაპიის რამდენიმე კურსი დასჭირდა. ხათუნა და ნინი სამკურნალოდ ისრაელში გაემგზავრნენ. ხათუნა ჟორდანია თავს ბევრად უკეთ გრძნობს. მის ფოტოებს სოციალურ ქსელში მომღერალი ქმარი ხშირად აქვეყნებს და საზოგადოებას ინფორმაციას აწვდის. მან ერთგულ მსმენელს რამდენჯერმე ლოცვისა და თანადგომისკენ მოუწოდა.
ოჯახში დატრიალებულმა ტრაგედიამ უამრავი ადამიანი გააერთიანა. საზოგადოებისთვის ცნობილი თეკუჩა ქარსელაძე ივლისში გარდაიცვალა. გარდაცვალებამდე ნინის მამა ჯანმრთელობის პრობლემებს ებრძოდა. ნინი კი მამას მუდამ ამხნევებდა. „ახლა წასვლის დრო არ არის… ხომ დაგპირდი ბევრ რამეს?! ხოდა არ დამტოვო, მჭირდები! მოიკრიბე მთელი შენი ძალა, ენერგია, იბრძოლე იმისთვის, რომ გადარჩე და გამოძვრე ამ მდგომარეობიდან!” – წერდა ნინი. ამჯერად მომღერალმა მამის სურათი ისევ გამოაქვეყნა. თეკუჩა ქარსელაძის ძველ სურათს ნინი ქარსელაძემ დააწერა – „როგორ მაკლიხარ და როგორ მჭირდები“.