თბილისი, 13 იანვარი — Sputnik. თბილისის ცენტრში, რუსთაველის გამზირზე ფეხსაცმელების მაღაზია გაქურდეს, აცნობეს „Sputnik-საქართველოს" შინაგან საქმეთა სამინისტროში.
გავრცელებული ინფორმაციით, შემთხვევა გვიან ღამით მოხდა, როდესაც რამდენიმე პირმა მაღაზიის კარი გატეხა და შიგნით შეაღწია.
არაოფიციალური ინფორმაციით, მძარცველებმა ცალ-ცალი ფეხსაცმელი წაიღეს.
ადგილზე ექსპერტ-კრიმინალისტები მუშაობენ.
ზარალის ზუსტი რაოდენობა ჯერჯერობით უცნობია.
აღნიშნულ ფაქტთან დაკავშირებით გამოძიება სსკ-ის 177-ე მუხლის მეორე ნაწილით არის დაწყებული, რაც ქურდობას გულისხმობს და სამიდან ხუთ წლამდე პატიმრობას ითვალისწინებს.