თბილისი, 8 იანვარი — Sputnik. რუსეთის და თურქეთის პრეზიდენტებმა ვლადიმირ პუტინმა და რეჯეფ თაიიფ ერდოღანმა ოთხშაბათს გაზსადენი „თურქული ნაკადი“ აამოქმედეს, იუწყება საინფორმაციო საგენტო РИА Новости.
გახსნის ცერემონიას ასევე ესწრებოდნენ სერბეთის ლიდერი ალექსანდრ ვუჩიჩი და ბულგარეთის პრემიერ-მინისტრი ბოიკო ბორისოვი. ცერემონია სტამბულში გაიმართა.
„გაზის ახალი მაგისტრალის ამოქმედების ოფიციალურ ცერემონიაზე ყველა დამსწრე მოწმეა მართლაც რომ მნიშვნელოვანი მოვლენისა არა მარტო რუსეთისა და თურქეთისთვის, არამედ სამხრეთ ევროპის სახელმწიფოებისთვის, მთლიანად ევროპის კონტინენტისთვის“, – განაცხადა პუტინმა გაშვების წინ.