თბილისი, 4 იანვარი — Sputnik. უსაფრთხოების გაძლიერებული ზომები იქნა მიღებული ნიუ-იორკში, ვაშინგტონსა და სან-ფრანცისკოში, ამერიკული შეიარაღებული ძალების მიერ ირანელი გენერალი ქასემ სულეიმანის ერაყში მომხდარი მკვლელობების გამო, იტყობინება РИА Новости.
გენერლის მკვლელობა: ირანის სულიერი ლიდერი აშშ-ზე შურისძიების პირობას დებს >>
სპეციალური ზომები იქნა მიღებული ასევე ეროვნული პარკების პოლიციის მიერ, რომელიც აშშ-ის ამ სამ უმთავრეს ქალაქში მდებარე ნაკრძალებისა და უამრავი ისტორიული ობიექტის, მათ შორის თავისუფლების ქანდაკებებისა და არლინგტონის სასაფლაოს დაცვაზეა პასუხისმგებელი.
ამავე დროს, აშშ-ს შინაგანი უსაფრთხოების სამინისტრომ განაცხადა, რომ მას შესაძლო საფრთხეების შესახებ ინფორმაცია არ გააჩნია.
ხუთშაბათს პენტაგონმა დაადასტურა, რომ შეერთებულმა შტატებმა ჩაატარა ერაყში ირანელი გენერალი ქასემ სულეიმანის ლიკვიდაციის ოპერაცია. სულეიმანი მეთაურობდა ისლამური რევოლუციის მცველთა კორპუსის ქვედანაყოფ „კუდსს“ - ირანულ გასამხედროებულ ფორმირებებს, რომლებსაც აშშ ტერორისტულ ორგანიზაციებს აკუთვნებს. ამერიკული დარტყმების შედეგად დაღუპულთა შორის იყო ასევე ერაყში შიიტური რაზმების მეთაურის მოადგილე აბუ მაჰდი ალ-მუჰანდისი, რომელიც აშშ-ს სახელმწიფო მდივანმა მაიკ პომპეომ 31 დეკემბერს ბაღდადში აშშ-ს საელჩოზე მომხდარ თავდასხმაში დაადანაშაულა. ირანის უზენაესმა ლიდერმა, აიათოლა ალი ხამენეიმ, სულეიმანის მკვლელობისთვის შურისძიების პირობა დადო.