თბილისი, 7 დეკემბერი — Sputnik. შოკოლადის ფესტივალი თბილისის ბოტანიკური ბაღის ღია სადღესასწაულო სივრცეში 7 დეკემბერს იწყება, იუწყებიან ორგანიზატორები.
სტუმრებს დაგხვდებათ საახალწლო და საშობაო ფილმების ყველასათვის ნაცნობი გმირები - ელფი, ფიფქია, გრინჩი, ფიფქია, რაც მთავარია, სანტა და ნაძვის ხე, სადაც ბავშვები სურვილებს ჩაიფიქრებენ.
წარმოდგენილი იქნება როგორც საქართველოში წარმოებული, ასევე სხვა ქვეყნებიდან იმპორტირებული შოკოლადის მრავალფეროვნება. ფესტივალის სტუმრები შოკოლადის დაგემოვნებას ორივე დღის განმავლობაში შეძლებენ.
ტკბილეულობის მოყვარულთათვის ორგანიზატორებმა მოამზადეს საჩუქარი - ბოტანიკურ ბაღში მოეწყობა შადრევანი, რომელიც ყველა მსურველს ცხელი შოკოლადით გაუმასპინძლდება. შადრევანი გარკვეულ მომენტებში ჩაირთვება.
ფესტივალი ორ დღეს - 7 და 8 დეკემბერს გაგრძელდება.