ქართველი ტელეწამყვანების ეკრანის მიღმა ცხოვრება ნებისმიერ ადამიანს აინტერესებს. არც დიკო ჯოჯუაა გამონაკლისი. ექსტრავაგანტული, მუდამ ფორმაში მყოფი ჟურნალისტი ერთ-ერთი გამორჩეული წამყვანია ქართულ მედიასივრცეში. დიანა ჯოჯუა თანამედროვე ქართული სატელევიზიო ეთერის ერთ-ერთი დასამახსოვრებელი ჟურნალისტია. 2006 წლიდან 2019 წლამდე ტელეარხ Rustavi 2-ზე საინფორმაციო გამოშვება „კურიერის“ წამყვანი იყო. საზოგადოებას თავი დამახასიათებელი ხმის ტემბრითა და ამბის განსაკუთრებული გადმოცემის უნარით დაამახსოვრა. ყველას აინტერესებს დიკო ჯოჯუას პირადი ცხოვრება კამერებს მიღმა. მისი რჩეული ბიზნესმენი ნიკა რამიშვილია.
დიკო ჯოჯუას მიერ გამოქვეყნებულ ფოტოებს დიდი გამოხმაურება მოჰყვება ხოლმე. განსხვავებული გარეგნობით გამორჩეული ჟურნალისტი საზოგადოებაში დიდი პოპულარობით სარგებლობს. ტელეწამყვანის წყალობით მისი ოჯახიც მეტად ცნობილი გახდა. ბიზნესმენი ქმარი და ერთადერთი ქალიშვილი – დიკო ჯოჯუას პატარა ოჯახს ავსებს. წყვილს მეორე შვილი არ ჰყავს, ამიტომ მთელ ყურადღებას ტუნა რამიშვილს აქცევენ. ნანუკა ჟორჟოლიანი, დიკო ჯოჯუა, საბა კოდუა და ტუნა რამიშვილი ერთად ძალიან ხშირად მოგზაურობენ. ჟურნალისტი ქალბატონები შვილებს მაქსიმალურად ანებივრებენ და მხიარულ განწყობას სხვადასხვა ქვეყნის დაპყრობით უქმნიან.
დიანამ ბოლო დროს იმიჯი შეიცვალა, თმა შეიჭრა და წითლად შეიღება და უფრო ხშირად ანებივრებს სოციალური ქსელის მომხმარებლებს თამამი სურათებით. დიკო ჯოჯუას მეუღლე ნიკა რამიშვილი 2013 წელს „არქიმედეს გლობალ ჯორჯიაში“ გენერალური დირექტორის პოსტს იკავებდა, სადაც მისი წლიური შემოსავალი აღნიშნულ თანამდებობაზე 224 847.00 ლარი იყო.