თბილისი, 20 ნოემბერი — Sputnik. დაბა სტეფანწმინდა ყაზბეგის მუნიციპალიტეტში მსოფლიოს ყველაზე ლამაზი პატარა დასახლებების ნუსხაში მოხვდა. რეიტინგი პორტალმა Thrillist.com შეადგინა.
სტეფანწმინდა ცნობილი კლიმატური და ბალნეოლოგიური კურორტია. მას 1921-2007 წლებში ყაზბეგი ეწოდებოდა. არის თბილისიდან 165 კილომეტრში და ზღვის დონიდან 1744 მეტრ სიმაღლეზე მდებარეობს.
„არქიტექტურა და ბუნებრივი სილამაზე იშვიათად თუ ქმნის ასეთ ჰარმონიას. ამ დაბაში ყველას იზიდავს მთა, რომელზეც განთავსებულია წმინდა სამების – გერგეტის XIV საუკუნის ტაძარი... ბუნებრივი სილამაზის გარდა, სტეფანწმინდა იდეალური ადგილია ყაზბეგის ეროვნული პარკის ცხელი წყაროების, ჩანჩქერებისა და ტბების შესასწავლად", – წერს გამოცემა.
ლამაზი პატარა ადგილების ნუსხაში ასევე შევიდნენ როტენბურგპობერ-დერ-ტაუბერი (გერმანია), სუზდალი (რუსეთი), ეზი (საფრანგეთი), პორტი დუგლასი (ავსტრალია), რინკონი (პუერტო-რიკო), შესკი-კრუმლოვი (ჩეხეთი), წმინდა მადალენა (იტალია), კო ფი ფი (ტაილანდი), პარატი (ბრაზილია) და სხვ.
Thrillist – ონლაინ-პორტალია, რომელიც მკითხველს აცნობს სხვადასხვა ქვეყნის ეროვნულ სამზარეულოებს, სასმელებს, ღირსშესანიშნაობებსა და გასართობებს. კომპანია 2004 წელს დაარსდა და მისი ბაზა ნიუ-იორკში მდებარეობს.