თბილისი, 14 ნოემბერი — Sputnik. აზერბაიჯანის პრეზიდენტი ილჰამ ალიევი და ქვეყნის პირველი ლედი მეჰრიბან ალიევა მონაწილეობას იღებენ ბაქოს მსოფლიო რელიგიურ ლიდერთა მეორე სამიტში, რომელიც დღეს გაიხსნა ბაქოში, იუწყება „Sputnik–აზერბაიჯანი“.
სამიტში მონაწილეობას იღებენ ხუთი კონტინენტის 70 ქვეყნის ლიდერები და ასევე ტრადიციულ რელიგიათა და რელიგიური მიმდინარეობების წარმომადგენლები.
ღონისძიებაში, რომელიც 14-15 ნოემბერს გაიმართება, განიხილება თემები: „აზერბაიჯანის როლი მულტიკულტურიზმის, ტოლერანტობისა და რელიგიათშორის სოლიდარობის პროპაგანდაში“; „რელიგიური ლიდერები ტერორიზმის, აგრესიის, ქსენოფობიის, ილსამოფობიის, ანტისემიტიზმისა და ქრისტიანოფობიის წინააღმდეგ“; „რელიგიურ ლიდერთა, სახელმწიფო, სამეცნიერო და საზოგადო მოღვაწეთა ერთობლივი საქმიანობის მნიშვნელობა ქალებისა და ბავშვების უფლებათა დაცვის საქმესა და ახალგაზრდობის განათლებაში“.
სამიტის შედეგების მიხედვით იგეგმება ბაქოს დეკლარაციის მიღება.