თბილისი, 12 ნოემბერი — Sputnik. თბილისის ზღვაზე ახალგაზრდა მამაკაცის ცხედარი იპოვეს, იუწყება ტელეკომპანია Imedi.
ქართულ მასმედიაში გავრცელებული ინფორმაციით, გარდაცვლილი 36 წლის ნოდარ ცხადაძეა.
მამაკაცი ცეცხლსასროლი იარაღით არის მოკლული.
ამ დროისთვის დანაშაულისთვის სამართალდამცველებს არავინ დაუკავებიათ.
აღნიშნულ ფაქტთან დაკავშრებით გამოძიება საქართველოს სსკ-ის 108-ე და 236-ე მუხლებით დაიწყო, რაც განზრახ მკვლელობას და იარაღის უკანონო შეძენა-შენახვა-ტარებას გულისხმობს.