თბილისი, 1 ნოემბერი — Sputnik. მარნეული-სადახლოს გზაზე ავტოსაგზაო შემთხვევის შედეგად დაიღუპა ორი და დაშავდა 11 ადამიანი, იუწყება საზოგადოებრივი მაუწყებლის პირველი არხი.
გავრცელებული ინფორმაციით, ერთმანეთს სამი მსუბუქი ავტომობილი და ერთი მიკროავტობუსი შეეჯახა. ავტოავარიის შედეგად დაიღუპა მსუბუქ ავტომობილში მსხდომი ცოლ-ქმარი. დაშავებულები კლინიკა „ჯეო ჰოსპიტალში“ არიან გადაყვანილი.
მომხდარ ფაქტზე გამოძიება სისხლის სამართლის კოდექსის 276-ე მუხლის მერვე ნაწილით (ტრანსპორტის მოძრაობის ან უსაფრთხოების წესის დარღვევა) დაიწყო, რაც ითვალისწინებს ექვსიდან ათ წლამდე ვადით თავისუფლების აღკვეთას.