თბილისი, 28 ოქტომბერი — Sputnik. თევდორე მღვდლის ქუჩაზე ბუნებრივი აირის აფეთქების შედეგად დაშავებულ 77 წლის მამაკაცს სხეულის 35 პროცენტი აქვს დამწვარი, განუცხადა ჟურნალისტებს დამწვრობის ცენტრის ხელმძღვანელმა, გუგა ქაშიბაძემ.
„ჩვენს კლინიკაში შემოვიდა 77 წლის მამაკაცი სასწრაფო დახმარების მანქანით. სავარაუდოდ გაზის აფეთქების შედეგად მიიღო საკმაოდ სერიოზული ტრავმა. აღენიშნება 35 პრეოცენტი, მეორე-მესამე ხარისხი. დამწვარი აქვს თავი მთლიანად, ორივე ზემო კიდური, გულმკერდი“, – განაცხადა გუგა ქაშიბაძემ.
დაზარალებული მამაკაცი რეანიმაციულ განყოფილებაშია მოთავსებული.
თევდორე მღვდლის ქუჩაზე მდებარე საცხოვრებელი კორპუსის მეხუთე სართულზე აფეთქება დღეს მოხდა.
შინაგან საქმეთა სამინისტროს განცხადებით, ბინაში აფეთქება სავარაუდოდ გაზის დაგროვებამ გამოიწვია. აფეთქების შედეგად არავინ დაღუპულა.