თბილისი, 12 ოქტომბერი - Sputnik. საიუბილეო, მეათე თამაში საქართველოსა და ირლანდიის ნაკრებებს შორის მშვიდობიანად დასრულდა, პირველად დაპირისპირების ისტორიაში, არცერთი გოლი არ გასულა - 0:0.
თამამად შეიძლება ითქვას, რომ მასპინძლებს მცირე ტერიტორიული უპირატესობა ჰქონდათ - ბურთის ფლობის მაჩვენებელი შეადგენდა 54%-ს (ირლანდიელების - 46% ).
ქართველები უფრო ბევრჯერ ურტყამდნენ - 14-ჯერ, მაგრამ უშედეგოდ. სტუმრებმა შვიდი დარტყმით უპასუხეს, რომელთაგან სამი საქართველოს ნაკრების მეკარემ გიორგი ლორიამ აიღო.
ირლანდიელები შეხვდებიან სტუმრად შვეიცარიელებს და შინ - დანიას, ამ მატჩებში EURO-2020 – ზე საგზურების ბედი გადაწყდება.
საქართველოს ეროვნულმა გუნდმა შესარჩევი ციკლის ორი მატჩი უნდა ჩაატაროს - გიბრალტარისა და შვეიცარიის ნაკრებებთან.