თბილისი, 1 ოქტომბერი — Sputnik. თბილისში 33 წლის ქალს საკუთარ სახლში ფიზიკურად გაუსწორდნენ, იუწყება ტელეკომპანია Rustavi2.
შემთხვევა ბაქოს ქუჩაზე გუშინ მოხდა.
ამ დროისთვის ქალი საავადმყოფოში იმყოფება.
„აღენიშნება სხეულის რამდენიმე ტრავმა. არის თავის ტვინის შერყევა, გულ-მკერდის ზედაპირული ტრავმა. იმყოფება სტაციონარში, უტარდება შესაბამისი გამოკვლევები და მკურნალობა. ვაკვირდებით დინამიკაში. ზოგადი მდგომარეობა საშუალო სიმძიმისაა. სიცოცხლეს ამ ეტაპზე საფრთხე არ ემუქრება“, – განაცხადა ექიმმა სულხან სამხარაძემ.
მომხდარ ფაქტზე გამოძიება „ქურდობის" მუხლით აღიძრა, რაც სამიდან ხუთ წლამდე ვადით თავისუფლების აღკვეთას ითვალისწინებს.