თოშა ქებურიას და ქეთი ჟღენტის პატარა ბიჭუნა ქვეყანას ორი დღის წინ მოევლინა. მას მშობლებმა ბაბუის - ბიზნესმენ ბუბა ქებურიას სახელი დაარქვეს.
თოშამ და ქეთიმ Instagram-ზე უკვე გამოაქვეყნეს ერთობლივი სელფი, სადაც ახალნამშობიარები მოდელი არაჩვეულებრივად გამოიყურება. ქეთიმ „სთორიში“ ფოტო გამოაქვეყნა, სადაც ჩანს, როგორ მიულოცა მეუღლემ ბავშვის გაჩენა.
წყვილს პირველი შვილი 2018 წლის სექტემბერში შეეძინა. მათ გოგონა გაუჩნდათ, რომელსაც კატერინა დაარქვეს. თოშა ქებურიამ და ქეთი ჟღენტმა ერთი წლის წინ მოულოდნელად იქორწინეს და ქორწილი კაჭრეთში გადაიხადეს, სადაც პატარძალს „ელ სააბის“ კაბა ეცვა.
თოშა მილიონერი ბიზნესმენის ბუბა ქებურიას ვაჟია. მან პირველად ყურადღება მისი სპორტის, კერძოდ, რბოლის სიყვარულით მიიქცია.
ქებურიას არაერთ მოტორბოლაში მიუღია მონაწილეობა. ცნობილია ასევე მისი მოტოციკლებითა და ავტომობილებით გატაცების შესახებ. თორნიკესადმი ინტერესი მისი პირადი ცხოვრების გამო გამძაფრდა.
სიმპათიური ბიჭი მომღერალ და ტელეწამყვან ქრისტინე იმედაძეს რამდენიმე წელი ხვდებოდა. წყვილი ურთიერთობას არ ასაჯაროებდა, თუმცა დამალვა ვეღარ შეძლეს. მომღერალთან დაშორების შემდეგ სასურველი სასიძო ქეთი ჟღენტზე მალევე დაინიშნა. თოშამ ქეთის ხელი საფრანგეთის ულამაზეს სანაპიროზე სთხოვა.