თბილისი, 2 სექტემბერი — Sputnik. ცნობილი ფილმის „ფორსაჟის“ მსახიობი კევინ ჰარტი საშინელ ავარიაში მოხვდა, ინფორმაციას გამოცემა 6abc ავრცელებს.
შემთხვევა ამერიკაში, კალაბასის სამხრეთით, ლოს-ანჯელესის ოლქში მოხდა. ავტომანქანა ხის ღობეს შეეჯახა და ძლიერ დაზიანდა.
გამოცემა წერს, რომ მსახიობმა სერიოზული დაზიანებები მიიღო. ავარიისას ავტომანქანაში სულ სამნი ისხდნენ – მსახიობი, მისი მძღოლი და კიდევ ერთი მგზავრი. მძღოლი და კევინი კლინიკაში მოათავსეს, მსახიობს ზურგი აქვს დაზიანებული.
პოლიცია მომხდარის მიზეზებს იძიებს. აღსანიშნავია, რომ შემთხვევის მომენტში კევინის მძღოლი ალკოჰოლის ზემოქმედების ქვეშ არ ყოფილა.