თბილისი, 25 აგვისტო - Sputnik. ქართველმა კანოისტმა ზაზა ნადირაძემ უნგრეთის ქალაქ სეგედში მიმდინარე მსოფლიო ჩემპიონატზე ბრინჯაოს მედალი მოიპოვა.
ფინალურ 200-მეტრიან დისტანციაზე ნადირაძის შედეგმა 40.24 წამი შეადგინა. ვერცხლი მოიპოვა ბელარუსმა არტიომ კოზირმა (40.08), ხოლო მსოფლიო ჩემპიონი ლიტველი ჰენრიკას ზუსტაუტასი (39.36).
ნადირაძისთვის ეს უკვე მეორე კვარცხლბეკია მსოფლიო ჩემპიონატებზე. 2017 წელს ჩვენი სპორტსმენი მსოფლიო პირველობის ვერცხლის პრიზიორი გახდა.