თბილისი, 6 აგვისტო — Sputnik. სურსათის ეროვნული სააგენტოს თანამშრომლებმა ბათუმის აგრარული ბაზრიდან ვეტერინარულად შეუმოწმებელი 98 კილო ხორცი ამოიღეს, იუწყება „აჭარის ტელევიზია".
ტელეკომპანიის ინფორმაციით, საეჭვო წარმომავლობის ფრინევლის ხორცის რეალიზაციისთვის აგრარული ბაზარი 3 ათასი ლარით დაჯარიმდა.
ქართული კანონმდებლობის თანახმად, საქართველოში ყველა ხორც-პროდუქტი რეალიზაციამდე ვეტერინარულ შემოწმებას გადის.
გავრცელებული ინფორმაციით, აღნიშნული ფაქტი ბაზრის დაჯარიმების პირველი შემთხვევა არ არის. ობიექტი დიდი ოდენობით საეჭვო წარმომავლობის ხორცის რეალიზებისთვის გასულ თვეშიც დაჯარიმდა.